“Ai do të bëjë tatuazh buzët e mia, ndërsa unë…” Ilnisa tregon planin romantik me Meritonin 21/05 11:42
Një modele erotike e revistës Playboy është prekur seksualisht në derën e shtëpisë së saj nga një punonjës ‘maniak’ i shpërndarjes së pakove të blerjeve.
25 vjeçarja britanike Hannah Peeters, e njohur për ndërhyrjet e saj provokuese estetike, tha se kishte ngrirë në vend kur shpërndarësi i porosive e kapi nga gjoksi dhe u afrua ta puthte në buzë.
Hannah tha se shoferi po i sillte një pako me rroba që kishte blerë në internet, por papritur e pyeti nëse i kishte gjokset e vërteta dhe zgjati dorën drejt brasierës së saj.
Më pas duke i bërë komplimente për masën e gjoksit ai u afrua dhe e puthi në buzë, pa pyetur nëse mund ta bente apo jo.
Teksa largohej shoferi i tha: “Mezi pres t’ua tregoj shokëve të të mi.”
Hannah thotë se u trondit nga ngjarja që nuk e kishte pritur: “U ndjeva e dhunuar. Thjesht sepse gjokset e mia dalin në televizion apo në revista nuk do të thotë se dikush mund të vijë të më prekë sa herë të dojë”.
Tani ajo thotë se është e tmerruar të shkojë të hapë derën e shtëpisë së saj në Edgware, veriperëndim të Londrës.
Policia tha se po heton ngjarjen ndërsa kompania Evri tha se “i marrim shumë seriozisht pretendimet e sjelljes prej maniaku”.
Top Channel
