Pushime para protestës! Qeveria ofron tre ditë “pa naftë”, me biçikleta dhe hashure
18/03/2022 19:33
Hetimet në Kadastër/ GJKKO jep masat për katër punonjës, detaje nga aksioni i SPAK, kush ra në prangat e policisë (Emrat) 26/04 23:37
Për ata qe duan të shkojnë në protestë të shtunën, qeveria e ka një ofertë: një fundjavë të gjatë pushimesh.
“Do bëjmë përsëri një mbledhje, sot që të bëjmë ditën e hënë pushim duke pasur parasysh ato që janë shpjeguar pas mbledhjes, do bëjmë tjetër që ta bëjmë ditën e hënë pa makina nëse do vendosim kështu por do vijë gradualisht ajo që agjencia thotë, e diela pa makina thonë ata, për të kursyer jo për ekologji. Ose tre ditë mos vajtje në punë njësoj si me Covid jo më për shkak infeksionesh por për shkak të kursimit. Këto dhe disa pika të tjera ka plani”, tha Rama.
Deklarata e kryeministrit u kthye në vendim qeverie pas 30 minutash. Vendim që shpalli ditë pushimi për administratën shtetërore të hënën e 21 marsit. Por më shume se protesta apo ekologjia, kryeministri thotë se vendimi ka lidhje me kursimin e energjisë dhe te karburantit.
Problemi në këtë situatë nuk është kaq sa shohim ne, sepse ndërkohë që ne diskutojmë çmimet, rreziku me naftën dhe energjinë është mungesa në treg. Agjencia Ndërkombëtare e Energjisë zyrtarisht sot ka paralajmëruar mundësinë e shoku më të madh të furnizimit me naftë në dekada”, u shpreh kryeministri.
Kështu qytetarët kanë tani mundësi të zgjedhin. Të pushojnë tre ditë tani, ose të protestojnë deri ditën e ashures, ditën e martë. Edhe ajo një ditë pushimi, nga zoti dhe nga qeveria.
Përfaqësues të shoqatave të transportit, kryeministri Edi Rama u tha se edhe sikur ata të rrisnin çmimin e biletës, sërish kapaciteti i tyre për të rezistuar do të ishte i dobët.
“Ndaj ne vendosëm 5 milionë dollarë për të kompensuar diferencën dhe për t’ju kërkuar të mos prekni në këtë fazë kaq delikate çmimin e biletës. Nga pikëpamja e modaliteteve kjo është përgatitur, por është shumë e rëndësishme që të vazhdojë shërbimi”, tha Rama.
Belinda Balluku, ministre e energjetikes dhe infrastrukturës paralajmëroi se nëse rrisin çmimin e biletave kjo do të jetë e pa-pranueshme:
“Do të kompensojmë me 100 lekë çdo litër naftë qe ju përdorni për transportin tuaj. Kompensimi do bëhet në drejtorinë e tatimeve. Do bëjmë kompensimin real të naftës”.
Top Channel
