Formacioni i mundshëm/ Sylvinho nuk ndryshon skemë për Çekinë, dilema e vetme është në sulm, braziliani provon si 9-sh… 15/11 21:07
Në këtë javë të 25-të të Abissnet Superiroex do të luhet klasikja e futbollit shqiptarë mes Vllaznisë dhe Tiranës.
Bardheblutë kryesues të klasifikimit me shkëputje nga ndjekësit dhe do të kërkojnë të vazhdojnë me këtë ritëm për t’ju afruar akoma më tepër objektivit të këtij vitit që është titulli kampion.
Orges Shehi: Po e trajtojmë si një ndeshje që do vlerësim maksimal dhe mendje të ftohtë. Kur ke mendje të ftohtë, edhe vendimet merren të duhurat, sepse futbolli për mendimin tim është vendimmarrje. Shpresoj të mos ndikojnë mungesat.
Barazimi pa gola në transfertën ndaj Kukësit nuk la aspak shije të mirë te Vllaznia, për më tepër që loja nuk ishte aspak bindëse, megjithatë kuqeblutë kanë hedhur gjithçka pas shpine dhe në këtë ndeshje do të kenë disa lojtarë që i rikthehen nga infermieria apo pezullimet për shkak kartonash.
Tomas Berdaric: I kemi karikuar bateritë tona dhe kemi fuqi të plota për përballjen me Tiranën. Jemi shumë të motivuar, jemi gati për përballjen e nesërme dhe e presim me shumë dëshirë këtë ndeshje. Për mua nuk është vendimtare ajo që ndodhë në muajin maj, ne e dimë që jemi një ekip konkurrues, tema e ditës është ndeshja e nesërme dhe kjo është gjëja që ka më shumë rëndësi për momentin.
Ndërkohë ndeshja tjetër e së shtunës është ajo mes Partizanit dhe Egnatias. Të kuqtë e drejtuar nga Dritan Mehmeti po i afrohen gjithmonë e më tepër zonës europiane dhe së bashku me domosdoshmërinë e fitores me rrogozhinasit do të kenë një sy edhe në Shkodër për të parë nëse humbet Vllaznia që ndodhet përpara tyre në klasifikim.
Dritan Mehmeti: Motivimi i skuadrës është gjithmonë më i vështirë, kur gjen përballë kundërshtarë si Egnatia, pa shumë emër, por që janë shumë të organizuara mirë në fushë. Është e lehtë të motivosh ekipin në derbi, apo përballë skuadrave si Vllaznia e Kukësi, por të tilla sfida të nxjerrin shumë probleme.
Ndërkohë që kjo javë e 25-të e kampionatit shqiptarë do të vazhdojë ditën e diel me 3 sfidat e tjera ku bie në sy përballja mes Dinamos dhe Kukësit apo Teuta-Kastrioti. Të gjitha këto ndeshje do të keni mundësinë t’i ndiqni si gjithmonë drejtpërdrejtë dhe ekskluzivisht në Digiatlb.
Top Channel
