Sekretarja e jashtme e Mbretërisë së Bashkuar: Perëndimi nuk veproi mjaftueshëm herët ndaj kërcënimit rus

07/03/2022 17:13

Sekretarja e Jashtme e Mbretërisë së Bashkuar, Liz Truss tha se Perëndimi nuk veproi mjaft herët ose mjaftueshëm me vendosmëri në përgjigje të pozicionimit të trupave të presidentit rus Vladimir Putin në kufi me Ukrainën.

“Realiteti është se presidenti Putin nuk i mori mjaft seriozisht kërcënimet e parandalimit” , u tha ajo deputetëve.

Me pushtimin e Ukrainës, Truss tha se Rusia kishte “shkatërruar arkitekturën e sigurisë së Evropës”.

“Ajo që duhet të bëjmë tani është të forcojmë NATO-n, veçanërisht duhet të forcojmë krahun lindor”,  i tha ajo Komisionit të Çështjeve të Jashtme të Dhomës së Komunave të hënën.

“Ne kemi vendosur tashmë më shumë trupa në Estoni, por ka më shumë për të bërë. Ne duhet të jemi seriozë në lidhje me shpenzimet e mbrojtjes, pikërisht në të gjithë NATO-n”, shtoi ajo.

Top Channel