“Nuk ishte thjesht një mandat”, Trump vijon turin e tij të fitores në SHBA: Fushata kundër emigracionit nuk ndalet 22/12 22:01
Kandidati i “Shtëpisë së Lirisë”, Bardh Spahia ka nisur festën në bashkinë e Shkodrës, edhe pse procesi i numërimit nuk ka përfunduar ende.
Ai falenderoi shkodranët që e kanë votuar dhe theksoi se do të jetë kryebashkiaku i të gjithë qytetarëve:
“Faleminderit nga zemra. Dua të theksoj dhe garantoj se nga nesër do të jem kryebashkiaku i të gjithë bashkisë Shkodër. Edhe për ata që nuk na kanë votuar, dera jonë do të jetë e gapur për të gjithë. Nga sot, fillon një rrugëtim i ri për një ndryshim i madh për të gjithë Shqipërinë”.
I pyetur se cila do të jetë puna e parë që do të bëjë kur të hyjë në zyrë, Spahia tha se do të identifikojë problemet që ka qyteti dhe më pas do të punojë për t’i zgjidhur ato:
“Do të identifikojmë të gjitha problematikat, do të flasim me qytetarët Jemi për të vlerësuar forcën e ndryshimit që garanton forca e votës së lirë. Shkodra është fituese”.
Demokratët e vërtetë janë fitues sot në të gjithë Shqipërinë”, tha kandidati i koalicionit “Shtëpia e Lirisë”, të krijuar nga Sali Berisha dhe Lëvizja Socialiste për Integrim, që la pas me diferencë të madhe votash kandidatin e Partisë Demokratike, Xhemal Bushati.
Nga kutitë e numëruar deri më tani, Spahia ka marrë 43.67% të votave, ndjekur nga kandidatja socialist me Majlinda Angoni me 39.51% të votave dhe në vend të fundit është Bushati me 16.82% të votave.
Top Channel
