Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Zgjedhjet e pjesshme të 6 marsit ishin dhe një garë brenda së djathtës, ku garon Partia Demokratike e drejtuar nga Lulzim Basha dhe koalicioni i Lëvizjes Socialiste për Integrim dhe Sali Berishës “Shtëpia e Lirisë”.
Zgjedhjet vijnë pas tensioneve disa mujore mes Berishës dhe pasardhësit të tij në PD, Basha. Berisha kërkon të rikonfirmojë mbështetjen e demokratëve.
Zgjedhësit e Vorës, Shkodrës, Durrësit, Dibrës, Lushnjës e Rrogozhinës votuan sot në zgjedhjet e pjesshme lokale për të caktuar kryetarin e ri të bashkisë.
Në tre nga gjashtë bashkitë, sipas rezultateve të deri tanishme nga Komisioni Qendror i Zgjedhjeve, koalicioni “Shtëpia e Lirisë” është forcë e dytë.
Në Vorë, ku fitues u zgjodh Blerim Shera nga Partia Socialiste, kandidati i koalicionit “Shtëpia e Lirisë” mori 2.589 vota, ndërsa Ymera Marku nga Partia Demokratike 687 vota.
Në Rrogozhinë, Hekuran Xhani nga koalicioni “Shtëpia e Lirisë” ka marrë deri më tani 224 vota, ndërsa Ferdinand Saraçi nga PD, 205 vota.
Dhe në bashkinë e Lushnjës, kandidati i koalicionit “Shtëpia e Lirisë” është bindshëm para kandidatit të demokratëve. Elton Bano ka grumbulluar 576 vota, ndërsa Indrit Sefa 158.
Top Channel
