Presidencialet në Rumani, sondazhet: Kandidati i Partisë Social-Demokrate udhëheq zgjedhjet 24/11 21:42
Aktori amerikan fitues Oskari publikoi një imazh të vetes me bagazh dhe çantë shpine pranë një vargu makinash teksa kërkonte të kalonte në vendin fqinj të Ukrainës.
61-vjeçari Penn tha se bashkë me dy kolegë kishin ecur disa milje drejt kufirit polak ku braktisën makinat e tyre në anë të rrugës, pa dhënë arsyen përse e kishin bërë këtë.
Ai tha më tej se makinat në pamje mbanin vetëm gra e fëmijë, shumica e tyre pa bagazhe, dhe shtonte se makina ishte “zotërimi i tyre i vetëm”.
Sipas një raportimi të agjencisë Reuters Penn kishte arritur të kalonte në Poloni shëndoshë e mirë.
Të enjten që shkoi aktori ishte fotografuar në një konferencë shtypi të qeverisë në Kiev, ditën kur Rusia nisi ofensivën e saj të pushtimit të Ukrainës.
Asokohe zyra e presidentit ukrainas shkruante në një koment: “Sot Sean Penn është në Ukrainë për të mbrojtur Ukrainën”.
Sipas postimit Penn ka ardhur në Ukrainë që prej nëntorit për realizimin e një dokumentari dhe është takuar me disa zyrtare të qeverisë dhe ushtrisë së vendit.
Më herët duke quajtur Ukrainën “maja e shigjetës për ëndrrat demorkatike” ai vlerësoi popullin ukrainas për “kurajon dhe parimet”.
Kjo nuk është hera e parë që Penn viziton zona konflikti e katastrofe.
Ai ka qenë në Haiti pas tërmetit shkatërrimtar në 2010 si dhe ka ndihmuar në përpjekjet e shpëtimit pas urraganit të vitit 2005 që shkatërroi New Orleans.
Top Channel
