Anonymous kundër Rusisë

Më 16 shkurt, tetë ditë para fillimit të pushtimit rus, një profil në Twitter i lidhur me Anonymous, publikoi një video ku shfaqej një person i maskuar, i cili kërcënonte me sulme kibernetike Rusinë, nëse kriza ukrainase përkeqësohej në ditët në vijim. Më 24 shkurt, disa orë pas njoftimit të presidentit rus Vladimir Putin për të sulmuar Ukrainën, Anonymous më në fund njoftoi se ishte “zyrtarisht në një luftë kibernetike kundër qeverisë ruse”.

Anonymous, i cili funksionon si grup që nga viti 2008, nuk është një ent i përcaktuar dhe detyrimisht kompakt, askush nuk e di se kush qëndon pas tij dhe nuk ka një kanal të vetëm zyrtar komunikimi. Gjatë viteve grupi ka qenë protagonist i sulmeve të panumërta kibernetike, të drejtuara kryesisht ndaj kompanive të mëdha apo qeverive. Vitet e fundit, hakerat e grupit ishin përpjekur gjithashtu të gjurmonin autorët e sulmeve të Parisit në vitin 2015, dhe po ashtu ishin përpjekur për të ndalur propagandën e Shtetit Islamik (ISIS) në internet.

#Anonymous – Message to Russia & Western allies over Ukraine

“If tensions continue to worsen in #Ukraine, then we can take hostage… industrial control systems.” Expect us. #Russia #NATO #USA #UkraineCrisis pic.twitter.com/1QhLJv7St8

— Anonymous TV 🇺🇦 (@YourAnonTV) February 15, 2022

Mirëpo, që nga koha kur Anonymous i shpalli “luftën” qeverisë ruse, arriti të sabotojë fillimisht disa site institucionale ruse, duke përfshirë atë të qeverisë dhe Gazprom-in. Këto sulme ishin ato që në zhargonin kompjuterik quhen “Distributed Denial of Services” (DDoS), sulme të tilla konsistojnë në mbytjen e faqeve me trafik klikimesh, derisa i nxjerrin jashtë funksionit.

The Anonymous collective is officially in cyber war against the Russian government. #Anonymous #Ukraine

— Anonymous (@YourAnonOne) February 24, 2022

Hakerat e Anonymous më pas shënjestruan faqet e disa gazetave ruse, duke përfshirë Russia Today, e cila konsiderohet si një nga burimet kryesore të propagandës së qeverisë së Putinit si në Rusi ashtu edhe jashtë saj, por edhe faqet e gazetave Kommersant dhe Izvestiya. Gjithashtu u sulmua faqja e Dumës, dhoma e ulët e parlamentit rus dhe pak më vonë sulmi preku faqet e agjencive shtetërore të lajmeve TASS dhe Ria Novosti. Në të dy rastet e fundit, hakerat nuk rrëzuan serverat e faqeve, por postuan një mesazh të tyre në faqet kryesore, duke iu bërë thirrje qytetarëve rus të kundërshtojnë vendimin e qeverisë.

“Ju lutemi t’i jepni fund kësaj çmendurie, mos i dërgoni fëmijët dhe burrat në vdekje të sigurtë. Kjo nuk është lufta jonë, le ta ndalojmë”.

Më 26 shkurt, hakerët sulmuan gjithashtu televizionin shtetëror rus, duke futur muzikë nacionaliste ukrainase, por edhe imazhe nga sulmet e kryera nga ushtria ruse që nga fillimi i pushtimit.

Someone hacked into Russian state TV channels. They feature Ukrainian music and national symbols. 🇺🇦

Internet users suspect that this may be another action by the hacker group #Anonymous, which declared a cyber war to Russia in connection with the attack on #Ukraine. pic.twitter.com/XaoclymVTs

— BECZKA ✌️ (@beczka_tv) February 26, 2022

Ditët e fundit, Anonymous ka pretenduar gjithashtu sulme të tjera të vogla, ku në mesin e tyre përfshihet një veprim i thjeshtë simbolik kundër jahtit në pronësi të Putinit, i quajtur “Graceful”. Hakerat hynë në Sistemin e Identifikimit Automatik, sistemin në të cilin futen të dhënat e anijeve të ndryshme, duke ndryshuar kodin e identifikimit të jahtit. Ata e riemëruan atë “FCKPTN” (Fuck Putin), si dhe ndryshuan destinacionin e tij, duke shkruar “Hell”.

Hackers have manipulated the official callsign of Putin’s $100 million personal yacht to “FCKPTN” and changed its current maritime position to “hell” 🙃 pic.twitter.com/Sl2xLNakfv

— LeGate 🇺🇸🇺🇦 (@williamlegate) February 28, 2022

Llogari të tjera në Twitter, të lidhura me Anonymous, thanë se sulmuan gjithashtu faqen e internetit të qeverisë çeçene, duke e bërë atë të paarritshme, si dhe kompaninë bjelloruese të armëve Tetraedr, duke vjedhur më shumë se 200 GB email-e dhe dokumente konfidenciale, përfshirë edhe disa të dhëna për armë.

Më 28 shkurt, Anonymous njoftoi gjithashtu se kishte sulmuar Institutin e Sigurisë Bërthamore të Moskës, duke vjedhur mbi 40.000 dokumente konfidenciale.

Last night, #DDoSecrets made over 200 GB of emails from the Belarusian weapons manufacturer Tetraedr available to journalists and researchers, hacked by Anonymous Liberland and the Pwn-Bär Hack Team

We also added a new disclaimer for datasets released in the midst of a cyberwar pic.twitter.com/4yRVe9QGAU

— Emma Best 🏳️‍🌈🏴 (@NatSecGeek) February 26, 2022

Në të kaluarën, sulmet e Anonymous nuk kanë pasur kurrë një ndikim të madh te njerëzit ose subjektet e prekura. Megjithatë, në këtë rast, gjërat mund të jenë ndryshe.

Sipas The Conversation, veprimet e Anonymous nuk ka gjasa të ndikojnë në asnjë mënyrë në zhvillimet e pushtimit të Ukrainës ose të ndryshojnë taktikat e sulmit të Rusisë, por publikimi i të dhënave ushtarake dhe informacioneve të tjera konfidenciale mund të ketë një ndikim për mbrojtjen ukrainase.

Për më tepër, fakti që Anonymous ka sulmuar dhe po vazhdon të sulmojë mediat ruse, mund të dobësojë makinerinë propagandistike të Putinit, duke treguar përmbajtje për një pjesë të popullsisë ruse që mediat e vendit ende nuk e kanë shfaqur.

Top Channel