KQZ kërkon verifikim të thelluar nga Prokuroria për kandidatin e Berishës në zgjedhjet e 6 marsit për Bashkinë Lushnje
26/02/2022 18:02
Top Channel/ Presidenti iranian përshëndet sulmin ndaj Izraelit, por s’përmend shpërthimet e fundit
Komisioni Shtetëror i Zgjedhjeve ka kërkuar nga Prokuroria e Përgjithshme verifikim të plotë për Elton Banon, kandidatin për Bashkinë e Lushnjës të koalicionit “Shtëpia e Lirisë” në zgjedhjet e pjesshme vendore.
Një kërkesë e tillë erdhi pas denoncimeve të Partisë Demokratike se kandidati Bano është dënuar për vjedhje në Angli.
PD tha se kandidati i “Shtëpisë së Lirisë” për Bashkinë e Lushnjës ka fshehur dënimin që daton në periudhën 1999-2000 dhe kërkon që ai të përjashtohet nga kandidimi.
Sipas demokratëve kjo është periudha kur Bano ka vetëdeklaruar qëndrimin në Angli, por ka ndryshuar vendlindjen nga Lushnja e ka bërë Prishtinë.
Sipas KQZ-së, nga verifikimet e bëra nga vetëdeklarimi i kandidatit, nuk janë evidentuar dënime të formës së prerë.
Top Channel
