Osmani diskuton me opozitën për situatën e sigurisë

25/02/2022 12:06

Presidentja e Kosovës, Vjosa Osmani është takuar të premten me pjesëtarë të opozitës për të diskutuar situatën e sigurisë në këtë vend, pas zhvillimeve të fundit të lidhura me pushtimin rus në Ukrainë.

Sipas njoftimit të Presidencës, Osmani është takuar me kryetarin e Lidhjes Demokratike të Kosovës, Lumir Abdixhiku, nënkryetaren e Partisë Demokratike të Kosovës, Vlora Çitaku dhe nënkryetarin e Aleancës për Ardhmërinë e Kosovës, Muharrem Nitaj.

Mes tjerash është thënë se palët kanë diskutuar edhe për masat që kanë marrë institucionet e Kosovës për t’u koordinuar me partnerët ndërkombëtarë.

Pak më parë, Qeveria e Kosovës ka miratuar pako me sanksione kundër Rusisë, në përputhje me veprimet e Shteteve të Bashkuara dhe Bashkimit Evropian.

Top Channel