Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Të shtunën, Rusia zhvillon stërvitje të reja ushtarake të cilat këtë herë do të mbikëqyren nga vetë presidenti Vladimir Putin, e pohuar kjo nga Ministria ruse e Mbrojtjes.
Njoftimi vjen në kohë kur shqetësimet e një pushtimi të mundshëm të Ukrainës nga forcat e Moskës, mbeten të larta.
“Në 19 shkurt janë planifikuar stërvitje të forcave strategjike që do të mbahen nën mbikëqyrjen e Komandantit Suprem të forcave të armatosura të Federatës Ruse, Vladimir Putin, gjatë së cilave do të lëshohen raketa balistike dhe lundruese”, thuhet në njoftim.
Aty sqarohet se në manovra do të marrin pjesë trupa dhe pajisje të forcave të hapësirës ajrore nga rajoni jugor, ai verior dhe Deti i Zi.
Deklarata erdhi dosa orë pasi lideri autoritar i Bjellorusisë, Aleksandr Lukashenka, njëkohësisht aleat i palëkundur i Putinit, mbërriti në Moskë për të zhvilluar bisedime me presidentin rus.
Biseda e tyre thuhet se do të fokusohet tek tërheqja ose jo e trupave ruse nga Bjellorusia kur të përfundojnë stërvitjet e përbashkëta ushtarake në 20 shkurt.
Pjesëmarrja e mbi 30,000 trupave në këto stërvitje ka shqetësuar Perëndimin rreth qëllimeve të vërteta të Kremlinit .
Inteligjenca amerikane vlerëson se rreth 130,000 trupa dhe pajisje ushtarake gjenden aktualisht në zonat në kufi me Ukrainën.
Top Channel
