Ndodh në Parlamentin Europian, eurodeputeti nxjerr nga çanta pëllumbin dhe e lëshon në sallë! Reagojnë ashpër të pranishmit (VIDEO) 25/04 13:18
Gati 120 të vdekur, ky është sot bilanci tragjik i përmbytjeve masive dhe rrëshqitjeve të dheut ne qytetin piktoresk brazilian, Petropolis.
Në mesin e viktimave janë edhe 13 fëmijë, raportojnë mediat lokale. Autoritetet kanë aktivizuar më shumë se dhjetëra alarme për të paralajmëruar për shira të rrëmbyeshëm edhe në mbrëmjen e së enjtes.
Ekipet e shpërthimit kanë ndalur kërkimet për personat e zhdukur për shkak të rrezikut të rrëshqitjeve të tjera të dheut. Por të humburit nuk janë pak. 116 persona ende nuk po gjenden, dhe shpresat për të mbijetuar, zbehen gjithmonë e më shumë.
Të martën, Petropolis është përballur me më shumë se gjashtë orë reshje.
Guvernatori shtetëror, Claudio Castro tha se qyteti përjetoi shiun me të ashpër prej vitit 1932, ndërsa dhjetëra shtëpi u mbuluan nga balta.
Rio de Zhaneiro dhe rajonet përreth goditen shpesh nga shira të rrëmbyeshëm në tre muajt e parë të vitit, janar, shkurt dhe mars.
Më 2011, më shumë se 900 persona kanë vdekur si pasojë e një stuhie në rajonet malore të Rio de Zhaneiros, ku përfshihet edhe Petropolis, katastrofa më e madha natyrore që ka ndodhur ndonjëherë në Brazil.
Top Channel
