Arrestohen dy të rinj në Tiranë, ja çfarë zbuloi policia
17/02/2022 10:22
Del dielli në fundjavë! Pas një jave me shi, kthjellime dhe rritje temperaturash 16/11 06:56
Dy persona kanë ‘rënë në grackën’ e policisë në kuadër të operacionit policor të koduar “Fati i lojërave”.
Policia ka vënë në pranga shtetasit R. Gj., 19 vjeç, dhe M. S., 34 vjeç, ndërsa gjatë kontrolleve të ushtruara këta shtetas u konstatuan duke ushtruar aktivitetin e paligjshëm të lojërave të fatit.
“Specialistët e Seksionit për Hetimin e Krimeve në Komisariatin e Policisë Nr. 6, në vijim të punës për evidentimin dhe goditjen e veprimtarisë së kundërligjshme në fushën e lojërave të fatit, kanë evidentuar një rast të ushtrimit të kësaj veprimtarie, nëpërmjet lotarive sportive.
Në përfundim të veprimeve hetimore u arrestuan në flagrancë shtetasit :
– R. Gj., 19 vjeç, dhe M. S., 34 vjeç, për veprën penale “Organizimi i lotarive të palejuara”
Gjatë kontrolleve të ushtruara nga shërbimet e Policisë, këta shtetas u konstatuan duke ushtruar aktivitetin e paligjshëm të lojërave të fatit, nëpërmjet lotarive sportive, në rrugën “Mikel Maruli”.
Në cilësinë e provës materiale u sekuestruan dy aparate celulare që dyshohet se përdoreshin për ushtrimin e aktivitetit të lojërave të fatit”, njofton policia.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme, për veprën penale “Organizimi i lotarive të palejuara”.
Top Channel
