Gruaja e Bashar al-Assad kërkon divorc në gjykatën ruse: Kam nevojë urgjente… 23/12 10:45
Zjarrfikësit francezë punonin sot në skenën e një shperthimi që vrau të paktën shtatë njerëz në lindje të Pireneve franceze.
Ministri i brendshëm Gérald Darmanin vizitoi skenën ku zjarri i natës së sotme vrau shtatë njerëz përfshi dhe dy fëmijë.
Rezidenët kishin dëgjuar një shpërthim rreth orës 1:30 të natës pas të cilit një zjarr kishte përfshirë të dyja anët e rrugës në qytezën e vogël bregdetare Saint-Laurent-de-la-Salanque.
“Dëgjova një shpërthim të fortë dhe më pas pashë flakë të mëdha. Ndërtesa u shkatërrua nga flakët,” tha fqinja Nadine Bret, 59 vjeçce.
Ajo shtoi se ndërtesa kishte një dyqan ‘fast-food’ në katin e parë, nga i cili besohet se kishte ardhur shpërthimi.
Zjarrfikësit vijonin sot të kërkonin për viktima edhe pse ndërtesa kishte mbetur e pasigurtë nga dëmet e zjarrit.
Një burrë në të 30-at ishte dërguar në spital pasi ishte hedhur nga kati i dytë për t’i shpëtuar flakëve.
Policia tha se vijon të hetojë për shkaqet e ngjarjes.
Top Channel
