Në një kohë tensionesh të larta politike, ushtria kineze nis stërvitjet ushtarake rreth Tajvanit 31/12 22:51
Europa është sot më pranë luftës nga sa ka qenë ndonjëherë në këto 70 vjet, paralajmëroi ministri britanik i forcave të armatosura, James Heappey.
Që nga ditët e Luftës së Ftohtë, kontinenti i vjetër nuk e ka pasur kaq pranë konfliktin, u shpreh ai.
Komentet e ministrit erdhën në kohën kur dy avionë bombardues britanikë tip B52, të aftë të bartin armë atomike, u nisën për një mision nëpër Europë, nga një bazë e Forcave Ajrore Britanike drejt Mesdheut, shkruajnë mediat vendase.
Frika e madhe e momentit është se Vladimir Putin mund ta urdhërojë në cdo moment sulmin mbi vendin fqinj.
Sipas shërbimeve amerikane të inteligjencës, mësymja mund të ndodhë këtë javë, ndoshta të mërkurën.
Shtetet e Bashkuara dhe NATO-ja, ndonëse i ofruan Kievit armatime nga më të ndryshmet, pajisje e këshilla ushtarake, dhe ekspertë trajnimi, kur erdhi fjala tek lufta me Moskën, e bënë të qartë se nuk do të dërgojnë trupa në tokën ukrainase.
Edhe pse konsiderohet aleat i vyer, Ukraina nuk është vend anëtar i NATO-s.
Top Channel
