Presidencialet në Rumani, sondazhet: Kandidati i Partisë Social-Demokrate udhëheq zgjedhjet 24/11 21:42
Ukraina i ka dërguar qeverisë gjermane një letër ku liston në detaje sistemet e shumta të armëve të nevojshme për shkak të konfliktit me Rusinë, raportoi sot gazeta “Süddeutsche Zeitung”.
Sipas raportit, vendi kërkon ndër të tjera sisteme raketore kundërajrore me rreze të mesme veprimi, pushkë antidrone, kamera vëzhgimi, municione. Në letër theksohet se bëhet fjalë për “sisteme armësh të natyrës mbrojtëse”.
Qeveria gjermane deri më tani ka përjashtuar mundësinë e furnizimit me armë për Ukrainën. Kancelari Olaf Scholz e hodhi poshtë një masë të tillë të mërkurën ndërsa fliste për “heute journal”.
Ky qëndrim është kritikuar kohët e fundit nga Ukraina dhe aleatët lindorë të NATO-s. Sipas Süddeutsche Zeitung, në letër, Ukraina i kërkoi qeverisë gjermane “të përpunojë këtë kërkesë sa më shpejt të jetë e mundur”.
Sipas raportit, letra i është dërguar ministrave të Jashtëm dhe të Mbrojtjes. Scholz dhe ministrja e Jashtme gjermane Annalena Baerbock kanë planifikuar një sërë vizitash diplomatike për të ndërmjetësuar në konfliktin e tensionuar.
Top Channel
