Kishte mbjellë kanabis, arrestohet në Mat 28-vjeçari i shpallur në kërkim

Ai ishte shpallur në kërkim pasi Gjykata e Shkallës së Parë Mat e ka dënuar  me 5 vjet burg. Gjatë operacionit të zhvilluar në muajin gusht 2020 janë vënë në pranga dhe 3 shtetas të tjerë për veprat penale “Kultivimi i bimëve narkotike” dhe “Prodhim dhe shitja e narkotikëve” të kryera në bashkëpunim.

Në vijim të operacionit policor të koduar “Stojani”, për kapjen e autorit të katërt të shpallur në kërkim në kuadër të këtij operacioni,  mbi bazën e informacioneve të grumbulluara në rrugë policore për vendodhjen e  tij, shërbimet e Komisariatit të Policisë Mat në bashkëpunim me shërbimet e Policisë Fushë-Krujë, kanë organizuar punën dhe si rezultat gjatë orëve të para të mëngjesit të sotëm është bërë kapja e 28-vjeçarit.

Ai akuzohet për veprat penale “Kultivimi i bimëve narkotike” dhe “Prodhim e shitje e lëndëve narkotike”,i cili në bashkëpunim me 3 shtetas të tjerë të arrestuar më parë janë kapur në flagrancë duke punuar në një parcelë të cilët  kishin mbjellur bimë narkotike.

Materialet procedurale i kaluan Prokurorisë, për veprime të mëtejshme.

Top Channel