Bllokimi i Ngushticës së Hormuzit, Kina dhe Rusia votojnë kundër rezolutës në Këshillin e Sigurisë së OKB për rihapjen e rrugës tregtare 07/04 19:06
Admirali amerikan që drejton grupin sulmues të aeroplanmbajtëses Harry S. Truman vendosi të mos spekulojë për atë çfarë do të vijë pas përfundimit të stërvitjes në Detin Adriatik.
Rregullat e marinës e ndalojnë që të flitet për operacionet e ardhshme.
Por ndërsa Pentagoni kërkon mënyra për të qetësuar aleatët e shqetësuar të NATO-s pas grumbullimit të më shumë se 100,000 forcave nga Rusia pranë Ukrainës, USS Truman mbetet simbol i padiskutueshëm i fuqisë ushtarake të SHBA-së dhe aftësive të NATO-s në një rajon gjithnjë e më të trazuar.
“Vendimet që merren rreth vendosjes së një grupi sulmi nga Shtetet e Bashkuara mbërrijnë në nivelin e Sekretarit të Mbrojtjes,” tha kundëradmirali Curt Renshaw.
“Por ne jemi gati të operojmë kudo dhe kemi planifikuar të jemi në një dislokim të zgjatur kur u larguam nga Norfolk, Virxhinia”, shtoi ai.
Grupi i sulmit, i cili u vendos nën kontrollin operacional të NATO-s, ndodhet në Adriatik për manovra të koordinuara detare, trajnime për luftë kundër nëndetëseve dhe stërvitje me raketa me rreze të gjatë veprimi, të planifikuara për t`u kryer deri në 4 shkurt.
Kur njoftoi stërvitjet, të quajtura Neptun Strike 2022, NATO tha se ishte hera e parë që nga Lufta e Ftohtë që një grup i plotë sulmues i avionëve të SHBA-së hyn në komandën e aleancës.
Top Channel
