“Emigracioni vret”/ Shpërthejnë protestat në Gjermani pas sulmit terrorist, kërkohet dëbimi i refugjatëve
22/12 13:07
Të paktën 17 persona kanë vdekur dhe 56 të tjerë janë shtruar në spital në Argjentinë pasi kanë konsumuar drogë të përzier me një substancë tjetër.
Helmimi i personave pas konsumimit të kokainës me një substancë tjetër ka ndodhur në qytetet Hurlingham, Tres de Febrero dhe San Martin, në provincën e Buenos Aires.
Prokurori i shtetit të San Martin, Marcelo Lapargo, u tha gazetarëve se ekzistonte mundësia që substanca të ishte përzier qëllimisht me drogë dhe se kjo mund të jetë bërë për shkak të përplasjes midis bandave.
Ministri i Sigurisë së Buenos Aires, Sergio Berni, tha se dhjetë persona u arrestuan gjatë bastisjes në Puerto 8, një nga lagjet e varfra të Tres de Febrera, dhe se u sekuestruan shumë pako me kokainë të ngjashme me atë të përzier me një substancë tjetër.
Berni ka deklaruar se personat që kanë blerë këtë lloj kokaine në 24 orët e fundit duhet ta asgjësojnë, duke shtuar se mostrat janë dërguar për analiza në La Plata, kryeqyteti i provincës së Buenos Aires.
Ende nuk dihet se cila substancë është përzier me drogën dhe shprehet frika se në periudhën e ardhshme numri i viktimave nga konsumimi i kësaj droge mund të rritet./AA/
Top Channel
