Në Elbasan 25 urdhër arresti/ Policët kishin futur në burg sende të paligjshme dhe drogë
02/02/2022 01:48
Gjatë orëve të mbrëmjes në Elbasan janë ekzekutuar mbi 25 urdhër arresti, për disa zyrtarë të burgjeve por dhe të burgosur vip. Ata akuzohen se kanë futur në ambientet e burgjeve lëndë narkotike.
Hetimi ka nisur prej disa muajsh. Urdhër arrestet janë për veprat penale, shpërdorim detyre, korrupsion dhe ushtrim i ndikimit të paligjshëm.
Burime për Top Channel bëjnë me dije se urdhër ndalimet janë lëshuar nga një grup prokuroresh nën drejtimin e Drejtuesit te Prokurorise së Elbasanit Kreshinik Ajazi. Arrestimet u kryen nga Forcat e Ndërhyrjes së Shpejtë dhe njësisë operacionale. Për zyrtarët nën hetim që u shoqëruan nga Forcat e Ndërhyrjes së Shpejtë ka dhe vendim gjykate.
Top Channel