Akuzohet për abuzime, arrestohet ish-zëvendësministri i Kilit! 59-vjeçari… 15/11 22:46
Qeveria e Mbretërisë së Bashkuar do të paraqesë të hënën një paketë të re sanksionesh kundër Rusisë që mund të prekin asetet e kompanive ruse të energjisë.
Të paktën kështu raporton gazeta londineze The Times, duke cituar burime në kabinetin britanik.
Sipas informacioneve, sanksionet e reja, të cilat përfshijnë ngrirjen e aseteve dhe ndalimin e hyrjes në Mbretërinë e Bashkuar, do të shtrihen për individët dhe personat juridikë me “rëndësi strategjike” për autoritetet ruse.
Të dielën, Sekretarja e Jashtme britanike Liz Truss i tha Sky News se autoritetet e vendit do të ndryshojnë legjislacionin ekzistues për të zgjeruar listën e sanksioneve.
“Aktualisht, ne mund të vendosim sanksione vetëm ndaj atyre që janë të përfshirë drejtpërdrejt në aktivitetet destabilizuese në Ukrainë. Ne do ta zgjerojmë listën në mënyrë që çdo kompani me interes për Kremlinin dhe regjimin rus të mund të jetë subjekt i sanksioneve”, tha ajo.
Në të njëjtën kohë, Trass refuzoi të zbulojë ndonjë detaj se cilat do të jenë sanksionet e reja.
“Asgjë nuk është jashtë diskutimit”, tha ajo, kur u pyet për masat e mundshme ndaj aseteve të biznesmenëve të mëdhenj rusë që jetojnë në Londër. Ajo theksoi gjithashtu se në rast të një “pushtimi rus të Ukrainës”, Gjermania është e gatshme të braktisë gazsjellësin Nord Stream-2.
Top Channel
