Akuzohet për abuzime, arrestohet ish-zëvendësministri i Kilit! 59-vjeçari…
15/11 22:46
Koreja e Veriut tregon forcën në 15 prill, 2017.
Koreja Veriore testoi raketën e saj më të fuqishme në të paktën pesë vitet e fundit, dhe duket se aftësitë goditëse të vendit komunist janë përmirësuar ndjeshëm, duke shqetësuar shumë fqinjët, e jo vetëm.
Teknologjia ushtarake e Penianit ka avansuar me shpejtësi. Raketa e tij Hwasong-12 mendohet se në kapacitet të plotë, është në gjendje të mbërrijë deri në 4,500km largësi e të godasë bazat amerikane në ishullin e Guamit në Oqeanin Paqësor.
Peniani ka kryer shtatë testime raketash vetëm në muajin janar – aktivitet i cili është dënuar ashpër nga Shtetet e Bashkuara, Koreja Jugore, Japonia dhe kombe tjera.
Organizata e Kombeve të Bashkuara ia ndalon Koresë Veriore testimin e raketave bërthamore dhe atyre balistike, prandaj edhe i ka vënë sanksione.
Por koreanoveriorët vazhdojnë ta injorojnë një masë të tillë. Pas testit të fundit, Japonia dhe Koreja e Jugut mbajtën seanca urgjente të këshillave të tyre të sigurisë kombëtare.
Presidenti i Koresë së Jugut Moon Jae-in e dënoi provën si shkelje të rezolutës së Këshillit të Sigurimit të Kombeve të Bashkuara.
Me testet e shumta raketore, Pheniani duket se synon të paktën pjesërisht të ushtrojë presion mbi Shtetet e Bashkuara dhe Korenë e Jugut në mes të një pauze të zgjatur në bisedimet bërthamore.
Top Channel
