Në një botë paralele/ Biden dhe Trump shokë të ngushtë, pamjet me Inteligjencë Artificiale bëjnë xhiron e rrjetit 15/11 10:33
Të japësh në donacion njërën veshkë një personi në nevojë nuk është diçka që bëhet kollaj.
Por kur e reja amerikane Colleen kishte shansin të ndryshonte jetën e të dashurit të saj gjashtë vjet më parë, nuk e mendoi dy herë të hynte në operacion për të.
Në një seri videosh që janë bërë virale në rrjetin TikTok e reja shpjegoi sesi kreu procedurën për të shpëtuar jetën e tij.
Kur ata nisën të shoqëroheshin fillimisht bashkë, Colleen thotë se i dashuri kishte një sëmundje kronike të veshkave që prej moshës 17 vjeçare.
Kjo do të thotë se ai duhet të bënte dializë pasi veshkat e tij funksiononin vetëm me pesë përqind të kapacitetit.
“Vendosa të testohem për të parë nëse përputhesha pasi nuk doja që ai të vdiste”, thotë e reja.
Dhe për fatin e mirë të çiftit operacionet kaluan me sukses dhe të dy u rekuperuan plotësisht.
E natyrisht të gjithë supozojnë se burri do të ishte përgjithmonë mirënjohës të dashurës së tij për sakrificën që bëri, por në fakt ai nuk pati turp dhe e la vetëm shtatë muaj më vonë.
Në videot e saj Colleen shpjegon sesi ish-i dashuri i tha se do të shkonte në Las Vegas për një festë beqarie me shokët e tij të kishës.
Asokohe komentuesja e TikTok ishte në mes të provimeve të maturës dhe kishte besim se i dashuri nuk do të bënte asgjë të çuditshme.
Por më vonë ai u kthye te ajo dhe pranoi se e kishte tradhtuar.
Pas disa argumenteve e debateve ajo e kishte falur dhe i dha një shans të dytë.
Megjithatë ai e la Colleen tre muaj më vonë me anë të një telefonate.
Vajza pretendon se mes te tjerash ai i kishte thënë: “Nëse jemi bërë vërtet për njëri-tjetrin atëherë Zoti do të na bëjë përsëri bashkë”.
Por për fat të keq prej këtu ndarja u bë gjithnjë e më e egër.
Videot e saj i kanë lënë të gjithë shikuesit të inatosur.
Një prej tyre tha:“Ti ke zemrën më të madhe dhe ai nuk arriti ta shihte, është ai që ka humbur”.
Një tjetër shtonte: “Nuk e di nëse ai e kupton se ç’do të thotë të dhurosh një veshkë, ti ke sakrifikuar jetën për dikë tjetër”.
Një tjeër shkuante me ironi për veshkën: “Mos u shqetëso, sepse në fakt një pjesë e jotja do të mbetet përgjithmonë me të”./The Sun/
Top Channel
