Pas dështimit të propozimit të Partisë Demokratike të Kosovës (PDK) që të përfshihet në rend ditës debati parlamentar për krizën energjetike ka reaguar Shefi i Grupit Parlamentar i kësaj partie, Ableard Tahiri.
Ai e ka quajtur të papërgjegjshme sjelljen e mazhorancës karshi opozitës. Tahiri në një konferencë për medie ka theksuar se duan që të mos ketë rritje të çmimit të energjisë meqë kjo është e papërballueshme.
Ai madje tha se vendi po qeveriset nga njerëz të padijshëm.
“Duke parë gjendjen që po rëndohet çdo ditë më shumë me furnizimin me energji elektrike.
Dhe në anën tjetër duke parë papërgjegjësinë e madhe të kryeministrit dhe kësaj qeverie kërkuam që të ftojmë një debat urgjent që të diskutojmë rreth gjendjes sonë energjetike dhe masat që duhet të marrë Qeveria e Kosovës dhe ZRRE në mënyrë që qytetarët e Kosovës ta kalojnë sa më lehtë këtë dimër dhe njëkohësisht kërkojmë që në asnjë rrethanë të mos hyhet me shtrenjtimin e energjisë elektrike sepse me inflacionin në njërën anë, me rritjen e çmimeve në anë tjetër dhe sot rritja e çmimit të energjisë elektrike vërtetët për qytetarin është e papërballueshme.
Mirëpo patëm një sjellje të papërgjegjshme të kësaj mazhorance e cila në një formë apo tjetër po mundohet me mbyt edhe debatin ën Kuvend. Pra ky vend po qeveriset nga njerëz të përgjegjshëm, njerëz të padijshëm dhe njerëz që e kanë sjellë vendin në një krizë të thellë energjetike”, tha ai në konferencë për medie”, tha ai.
Top Channel
