Arrestohen 3 persona në Elbasan, ja për çfarë akuzohen
13/01/2022 16:36
Lagështi dhe zagushi! Mot me diell dhe kthjellime, këtë javë temperaturat shkojnë deri në 33 gradë 20/05 07:15
Foto ilustruese
Tre persona kanë rënë në prangat e policisë së Elbasanit për vepra të ndryshme penale.
Një 55-vjeçar i identifikuar inicialet B.H., banues në Belsh, u arrestua për veprat penale “Kundërshtimi i punonjësit që kryen një detyrë shtetërore ose një shërbim publik’’, “Kanosja” dhe “Prishja e rendit dhe qetësisë publike”.
Edukatorja në një kopsht publik, e identifikuar me inicialet A.P., ka kallëzuar se ky shtetas e ka kanosur me fjalë dhe e ka penguar për të zhvilluar mësimin në ambientet e kopshtit.
Ndërsa një 44-vjeçar i identifikuar me inicialet A.K., banues në Tiranë u vu në pranga pasi u kap duke drejtuar mjetin, në gjendje të dehur.
Nga specialistët e Seksionit të Narkotikëve në DVP Elbasan u kap shtetasi F. M., 29 vjeç, banues në Elbasan, i shpallur në kërkim nga DVP Tiranë, për veprën penale “Prodhimi dhe shitja e narkotikëve” kryer në bashkëpunim.
29-vjeçari do t’i dorëzohet shërbimeve të DVP Tiranë, për veprime të mëtejshme.
Top Channel
