Mbërrijnë në Shqipëri 375 mijë doza Pfizer
31/12/2021 09:28
Aksident në Korçë, makina përplas personin me monopatinë
26/12 19:48
375 mijë doza të vaksinës Pfizer kanë mbërritur në vendin tonë një natë më parë.
Ministrja e Shëndetësisë, Ogerta Manastirliu falenderon Bashkimin Europian për mbështetjen e dhënë në sigurimin e vaksinave anti Covid.
Manastirliu pak më ditë më parë njoftoi se vendi ynë do të marrë sasinë e parë të vaksinës Johnson&Johnson , përmes programit Covax, në vitin 2022.
Sipas MInistrisë së Shëndetësisë, mbi 1 milion qytetarë i kanë kryer të dy dozat e vaksinës, ndërsa mbi 110 mijë qytetarë janë vaksinuar me tre doza.
Qeveria shqiptare ka siguruar gjithashtu një kontratë të re me Pfizer prej 1.5 mln dozash me kompaninë Pfizer dhe do të vijojmë edhe më tej furnizimin me vaksina te tjera”, tha Manastirliu.
“Po kështu jemi duke vlerësuar në dinamikë situatën dhe në ndërkohë po vijojmë me investimet në sektorin shëndetësor për të siguruar Planin e Dimrit si dhe vazhdimit të rritjes së kapaciteteve qoftë sa i përket testimit dhe gjurmimit me shtimin e aparaturave të reja në ISHP, duke fuqizuar Urgjencën Kombëtare, ku një flotë e re prej 20 autoambulancash do të bëhet efektive brenda këtij viti duke mundësuar rritjen e përgjigjes ndaj rasteve urgjente si dhe kapacitetet spitalore, ku bëjmë të mundur edhe fillimin e investimit në spitalin infektiv, mbi 4 milionë euro për ta fuqizuar e për ta bërë një spital modern dhe qendër ekselence të sëmundjeve infektive”.
Top Channel
