Borrell: Qëllimi i sulmeve në Liban, përhapja e terrorit 20/09 09:53
Një tigër është vrarë nga siguria e kopshtit zoologjik ku jetonte, pasi kafshoi duke plagosur rëndë një pastrues që hyri në zonën e veçuar në parkun në Florida, njoftuan autoritetet.
‘Eko’, tigri malajzian tetë-vjecar u gjet me krahun e të riut në gojë në kopshtin zoologjik ‘Naples Zoo’.
Oficerët që erdhën në skenë tentonin të bënin që kafsha të lëshonte te riun në të 20-at, duke i tërhequr vëmendjen, por më vonë u detyruan të qëllonin pasi tigri nuk kishte ndërmend të lëshonte, thonë raportimet.
Pasi u qëllua tigri u tërhoq në zonë e tij por më vonë u konfirmua se felini i madh kishte vdekur.
Pastruesi ishte dërguar me urgjencë në spital ku po trajtohej për plagë të rënda.
Mësohet se i riu punonte për një shërbim të jashtëm pastrimi të dyqaneve dhe tualeteve të kopshtit zoologjik dhe disa zyrtarë thanë se nuk supozohej të pastronte ambjentet e kafshëve.
Disa të tjerë sugjeronin se pastruesi kishte tentuar të përkëdhelte Eko kur ky i fundit e sulmoi.
Zyra e sherifit tha: “Informacionet paraprake tregojnë se burri ishte duke e prekur ose ushqyer kafshën, çka është një aktivitet i pautorizuar dhe i rrezikshëm”.
“Tigri më pas kishte kapur burrin nga krahu dhe e kishte tërhequr në ndarjen e tij. I riu kishte kaluar barrierën fillestare dhe kishte nxjerrë krahun e tij brenda ndarjes së tigrit.
Eko kishte ardhur në kopshtin Naples Zoo në shkurt 2020 nga kopshti zoologjik i Woodland në Seattle.
Kur kopshti zoologjik njoftoi ardhjen e Eko e përshkruante atë si një ‘ambasador i madh i species së tij’.
Top Channel
