Hapet “kapsula” e kohës 130-vjeçare, nuk ishte prekur që prej Luftës Civile në SHBA
29/12/2021 15:58
Hezbollahu sulmon Izraelin me 250 raketa dhe predha! 24/11 20:21
Një ekip ekspertësh në shtetin amerikan të Virxhinias hapën një kuti me relike që nga koha e luftës civile në SHBA. Kutia nuk ishte prekur prej 130 vjetësh. Ajo përmbante gazeta, libra dhe municione të asaj periudhe.
Kutia u zbulua në kryeqytetin e këtij shteti, Richmond në kohën kur punëtorët po përfundonin heqjen e një statuje të gjeneralit të konfederatës, Robert E Lee. Memoriali i kushtuar Lee-së u hoq pas protestave që pasuan vdekjen e George Floyd në Minneapolis vitin e kaluar.
Të dhënat e ruajtura në Bibliotekën e Virxhinias, tregonin se kutia ishte groposur në vitin 1877; dhjetëra banorë vendas kishin kontribuan aty me rreth 60 objekte.
Ekspertja kryesore e Departamentit te Burimeve Historike të Virxhinias, Kate Ridgway, tha se përmbajtja dhe dizajni i kutisë përputhen me të dhënat historike. Edhe pse lagështira kishte depërtuar në kuti, sërish sendet brenda saj ishin të ruajtura në një gjendje shumë më të mirë nga sa pritej.
Top Channel
