Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Prej disa kohësh ishte bërë i njohur interesimi konkret i Barcelonës për Ferran Torres teksa blaugranat kishin nevojë të shtonin fantazinë në radhët e organikës së tyre.
Ndaj, ditën e sotme kanë bërë edhe zyrtarizimin e marrëveshjes me futbollistin spanjoll, i cili mbërrin në Camp Nou nga klubi i Manchester City, ku u aktivizua prej gushtit të vitit 2020.
Ndërkaq, për të transferuar 21-vjeçarin, Barcelona ka shpenzuar plot 55 milionë euro, ndërsa kontrata me Ferran ka një kohëzgjatje deri në vitin 2027. Ndërkohë, bie në sy edhe klauzola e frikshme që katalanasit kanë vënë për secilin klub që do të kërkojë shërbimet e fantazistit para vitit 2027, teksa bëhet fjalë për plot 1 miliard euro, shkruan Super Sport.
Vlen të theksohet se Ferran Torres ka pasur eksperiencë edhe më parë në La Liga pasi është aktivizuar në radhët e Valencia, klub në të cilin është formuar. Kujtojmë se afrimi i Torres është i dyti për katalanasit pas Dani Alves, teksa trajneri Xavi Hernandez do të provojë të rikthejë ekipin në nivele të larta.
Top Channel
