Një 48-vjeçare ka humbur në Malësinë e Madhe dhe dyshohet se ajo ka ndërruar jetë pasi është hedhur në një greminë.
Ka qenë fillimisht bashkëshorti i saj që ka bërë kallëzim në Komisariatin e Policisë Malësi e Madhe, pasi bashkëshortja e tij, ishte larguar nga banesa në orët e para të paradites së datës 24 dhjetor dhe nuk është kthyer më.
Menjëherë shërbimet e Komisariatit të Policisë Malësi e Madhe në bashkëpunim me Forcat Operacionale të Shkodrës, kanë nisur kërkimet për gjetjen e saj.
Pas kontrollit në territorin e fshatit Meshqerraj në afërsi të një shpellë janë gjetur telefoni i saj dhe një fletore. Dyshohet se kjo shtetase të jetë vetëhedhur në këtë grykë dhe për pasojë dyshohet se ka humbur jetën.
Për shkak të territorit shumë të vështirë nuk u bë e mundur gjetja e saj dhe kërkimet janë ndërprerë, pasi pritet që në orët e para të mëngjesit të ditës së dielë të mbërrijë forcat e RENEAS dhe FNSH-së me mjete të specializuara për të bërë të mundur gjetjen e trupit të 48 vjeçares.
Nuk dihet cili është shkaku që ka shtyrë këtë grua të kryejë këtë veprim.
Top Channel
