Enigmat e zbuluara nga “Rrugëtimi im”, fjala e një mjeshtri 19/05 11:37
Programi Artkand në këtë edicion të veçantë Krishtlindjesh zgjodhi të fillojë me një poezi të Mimoza Ahmetit që përkon edhe me ditëlindjen e autores.
Autori Vilson Kilica çeli ankandin e sotëm, nëpërmjet veprës Zadrimorja, e viti 1983, vaj. Me çmimin fillestar 6000 euro. Një vepër që menjëherë ngjalli interesin e publikut.
Viktorua Regalis e autores Najada Hamza, lulja e që simbolizon ciklin e jetës, nëpërmjet një teknike të përzier dhe çmimit fillestar 5000 euro ishte vepra e dytë e ankandit.
Rezina është shtresa finale që hidhet mbi vepër për të ngurtësuar e vlerësuar atë pjesë të bimës( farën), pra riprodhimin.
Nënë Tereza e Ilirian Shimës, autorit që ka ngritur monumentin e Homerit në varrin e tij në ishullin IOS, u prezantua nëpërmjet çmimi 6000 euro.
Nënë Tereza është frymë. Ajo i ka kaluar dimensionet njerëzore. Autori pikërisht këtë kërkon të përçojë duke mos u marrë me detajet dhe fizionominë e saj.
Ky krijim nuk ka asnjë detaj të sajën përveç duarve, por nga ana tjetër jepet me aq realizëm figura e saj saqë po ta rëndojë me vogëlsira do të ikte nga karakter i saj hyjnor.
Peizazhi i Aristotel Papës që e përfaqëson atë 360 gradë, një vepër e viteve 60, vjen nëpërmjet çmimit 4000 euro. Dhe në fund fruriera antike, Mimoza Ahmetit, pjesë e ekspozitës së saj të fundit, u soll me çmimin 800 euro.
Artkand ju uron Gëzuar Festat dhe ju le takimin e radhës më 8 janar.
Top Channel
