Njësia luftarake e profilit më të lartë të Ukrainës rekruton ushtarë anglishtfolës, 15 britanikë të vrarë deri më tani 10/01 23:06
Një agjent pronash të patundshme në jug të Florida është arrestuar në SHBA i dyshuar si autor i sulmeve barbare ndaj të pastrehëve, në një stil të ngjashëm me filmin horror “American psycho”.
Deri tani sulmet e identifikuara kanë lënë dy të vdekur dhe një të plagosur sipas policisë.
25 vjeçari Willy Suarez Maceo, u shpall nga policia “vrasës serial i dyshuar” teksa u arrestua me akuza tentativë vrasjeje ndaj një burri të pastrehë pranë qendrës së Miami mbrëmjen e të martës.
Policia tha se viktima është në gjendje të rëndë.
Më pas Maceo kishte sulmuar një tjetër burrë të pastrehë dy orë më vonë, shkruan e përditshmja Miami Herald .
Maceo dyshohet se ka qëlluar për vdekje me një armë Dodge Charger 56 vjeçarin Jerome Antonio Price, teksa flinte në trotuar në zonën Wynwood. Zjarri ishte regjistruar në kamerat e sigurisë.
Ai ishte ndaluar fillimisht të enjten për hyrje në pronë private pro plicia thotë se ai është autor vrasjesh e tentativa vrasjesh.
Policia e Miami e gjeti atë në zotërim të armës që besohet se është përdorur në vrasjet, sipas raportit të parë nga rrjeti Miami Herald.
Maceo është një agjent i liçencuar pronash të patundshme me agjencinë Century 21 në Miami, Kendall, South Miami e Palmetto Bay, shkruajnë mediat.
Në faqen e tij në Facebook thuhet se vjen nga Kuba dhe nuk ka arrestime të mëparshme.
Maceo është gjithashtu i dyshuar për një sulm të tretë – të shtënat ndaj një të pastrehu më 16 tetor. Në atë rast humbi jetën 59 vjeçari Manuel Perez, dhe kamerat e sigurisë tregojnë të dyshuarin me pamje të ngjashme me Maceo.
Autoritetet thanë se Maceo mund të ketë sulmuar njerz të tjerë, duke shtuar se personat e pastrehë sulmoheshin brutalisht pa asnjë arsye të dukshme.
“Mund të ketë të tjera viktima që kanë vuajtur në duart e këtij krimineli të pamëshirshëm”, tha në autoritetet, duke shtuar se motivet mbeten nën hetim, shkruan rrjeti WSVN .
Top Channel
