Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Konferencën vjetore me mediat, presidenti rus Vladimir Putin e ktheu në një thirrje të prerë drejtuar perëndimit që t`i ofrojë menjëherë Rusisë garanci sigurie, teksa tensionet po rriten nga grumbullimi i mijëra trupave ruse në kufirin me Ukrainën.
Shefi i Kremlinit renditi para gazetarëve një sërë ankesash për Kievin dhe NATO-n.
“Rusia kërkon një ristrukturim të madh të sigurisë evropiane dhe politikave të NATO-s. Ju duhet të na jepni garanci. Ju! Dhe pa asnjë vonesë! Tani!”, tha Putin.
Ai shtoi megjithatë se ekzistojnë disa sinjale pozitive sa i përket bisedimeve që pritet të mbahen ndërmjet Moskës e Shteteve të Bashkuara me përfshirjen e mundshme dhe të aleatëve të tjerë perëndimorë.
Kërkesat e Rusisë, që fillimisht janë publikuar më 17 dhjetor, bëjnë thirrje për ndalimin e zgjerimit të mëtejshëm të NATO-s në lindje.
Zyrtarët amerikanë thonë se Moska me shumë gjasë po planifikon një ofensivë ushtarake ndaj Ukrainës, por Rusia i ka mohuar plane të tilla.
Top Channel
