Bashkimi Evropian ndalon katër media ruse 17/05 22:21
RT kishte rifilluar transmetimin e programit në gjermanisht pas një ndalimi që i kishin bërë autoritetet gjermane. Megjithatë stacionit televiziv shtetëror rus RT, u mbyll përsëri disa ditë më pas. Autoritetet gjermane vendosën se ai nuk kishte licencën e nevojshme për të operuar në vend.
Ndalimi, i cili bëri që Eutelsat (ETL.PA) të heqë RT Deutsch nga lista e kanaleve të transmetuara nga satelitët e tij të mërkurën, erdhi në mes të tensioneve në rritje Lindje-Perëndim mbi furnizimet me energji dhe aktivitetin ushtarak rus në kufijtë e Ukrainës.
E nisur në vitin 2005, në një kohë kur shumë vende duke përfshirë Britaninë, Francën, shtetet e Gjirit dhe Iranin po përforconin operacionet e tyre të transmetimit publik ndërkombëtar, RT në pronësi të shtetit konsiderohet nga shumica e qeverive perëndimore si një kanal propagande.
Kanali, transmetimi i drejtpërdrejtë i të cilit në YouTube të Alphabet (GOOGL.O) u hoq gjithashtu menjëherë pas fillimit të tij të enjten e kaluar, vazhdon të shfaqet drejtpërdrejt në faqen e tij të internetit.
RT transmeton lajme që janë gjerësisht simpatike për politikën e jashtme ruse dhe shpesh dramatizon lajme nga vendet që kanë një marrëdhënie të vështirë me Moskën.
Top Channel
