Lëkundje tërmeti në Kosovë, ja ku ishte epiqendra 13/05 19:05
Qeveria e re e Gjermanisë, e drejtuar nga socialdemokrati Olaf Scholz, e pyetur nga mediat në Kosovë nëse e përkrah iniciativën e “Open Balkan”-it, tha se mbështet përpjekjet për fuqizimin e bashkëpunimit rajonal në mes të gjashtë vendeve të Ballkanit Perëndimor.
Berlini zyrtar tregoi në këtë mënyrë se bashkëpunimi duhet të përfshijë të gjitha vendet e rajonit.
Një zëdhënës i Qeverisë Gjermane theksoi se përkrahja e fuqizimit të bashkëpunimit rajonal mes vendeve të Ballkanit Perëndimor është arsyeja pse në mënyrë të veçantë e përkrahin Tregun e Përbashkët Rajonal, që është një iniciativë në kuadër të Procesit të Berlinit.
Analisti politik Islam Krasniqi, mendon se Gjermania e sheh me vlerë këtë nismë për sa kohë ajo mund të sjellë përafrime mes Serbisë e Kosovës.
Ai tha se Gjermania ishte shteti i vetëm që bllokoi Serbinë për Kosovën dhe këtë e bëri duke përdorur si mjet anëtarësimin në BE.
“Shteti Gjerman është shteti i vetëm që e ka bllokuar shtetin serb në rrugën drejtë BE-së, duke e kushtëzuar lidhjen me Republikën e Kosovës, pa u pajtuar me Republikën e Kosovës nuk do të ketë vazhdim drejtë BE-së për Serbinë”, u shpreh ai.
Top Channel
