Gjelat e detit këtë vit kane kapur çmimet më të larta se në 10 vitet e fundit.
Kjo ka ardhur për shkak të numrit më të pakët të shpendëve këtë fundvit.
Në fshatin Imsht të Lushnjës, qindra shpendë kanë ngordhur. Rritësit e tyre pohojnë se megjithëse i kanë mjekuar medikamentet nuk kanë dhënë efekt. Madje ata nuk kanë as për tavolinat e tyre , duke u kthyer nga rritës ne blerës.
Me fat janë ata që munden të shpëtojnë disa gjela deti, duke arritur të shesin deri në Kosovë. Në kushtet e mungesës së gjelave të detit çmimet pësojnë rritje. Këtë vit, ata thonë se po i shesin nga 10 deri 12 mijë lekë të vjetra për kilogram, çmimi më i lartë i arritur ndonjëherë.
Nuk ka statistika te sakta nga shërbimi veteriner ne Lushnjë për të ditur numrin e fermave të shpendëve. Njësia matëse mbetet tregu i cili këtë vit duket i boshatisur.
Top Channel
