Harris dhe Trump fushatë 48 km larg njëri-tjetrit në Pensilvani. Ish-Presidenti: Fitorja këtu na jep shumicën në gjithë vendin. Kandidatja demokrate: Vota juaj, vendimtare 05/11 07:13
Senatori amerikan Joe Manchin vendosi të mos e mbështesë paketën e Joe Bidenit për investime të brendshme prej 1.75 trilionë dollarësh, çka bën që plani i presidentit amerikan të dështojë.
“Nuk mund të votoj në favor të këtij legjislacioni,” tha demokrati i moderuar gjatë një interviste në programin “Fox News Sunday”, duke përmendur shqetësimet për inflacionin.
Sipas Manchin, rritja e borxhit të Shteteve të Bashkuara do të “pengonte në mënyrë drastike” aftësinë e vendit për t’iu përgjigjur pandemisë së koronavirusit dhe kërcënimeve gjeopolitike.
“Kolegët e mi demokratë në Uashington janë të vendosur ta transformojnë në mënyrë dramatike shoqërinë tonë në një mënyrë që e lë vendin tonë edhe më të ekspozuar ndaj kërcënimeve me të cilat përballemi,” u shpreh ai.
“Unë nuk mund ta marr përsipër rrezikun që paraqet një borxh marramendës prej më shumë se 29 trilion dollarësh dhe taksat e inflacionit që janë reale dhe të dëmshme për çdo amerikan” të thjeshtë, shtoi Manchin.
Sekretarja e shtypit e Shtëpisë së Bardhë, Jen Psaki, se ky ishte një ndryshim i papritur dhe i pashpjegueshëm të pozicionit e tij dhe një shkelje të angazhimeve të tij ndaj Presidentit dhe kolegëve në Dhomën e Përfaqësuesve dhe Senat, ndërsa hodhi poshtë pretendimet se legjislacioni do të rriste çmimet e mallrave të konsumit në Shtetet e Bashkuara, më të lartat në gati katër dekada, ose se do të rriste borxhin afatgjatë të vendit, që aktualisht është mbi 29 trilionë dollarë.
Top Channel
