Lufta në Gaza, presidenti i Kolumbisë njofton shkëputjen e marrëdhënieve diplomatike me Izraelin: Nëse bie Palestina, vdes njerëzimi 01/05 22:54
NATO i është përgjigjur sot listës së rekomandimeve ruse për uljen e tensioneve në kufirin me Ukrainëm duke thënë se çdo dialog “duhet të vijojë në bazë të reciprocitetit”.
Në deklaratën e bllokut mes të tjerash insistohej se çdo dialog Rusi-SHBA “duhet të trajtojë veprimet e Rusisë, bazuar në parimet kryesore të sigurisë evropiane, dhe në konsultim me partnerët evropianë të NATOs.”
Aty shtohej se Moska “duhet të bëjë hapa konkretë për reduktimin e tensioneve dhe të jetë e përgatitur të punojë për krijimin e kushteve të ndërtimit të besimit”.
“Ne përsërisim ftesën e përhershme ndaj Rusisë për një takim të Këshillit NATO-Rusi në të ardhmen e afërt,” shkruante deklarata.
Zhvillimi vjen mes përkeqësimit të tensioneve mes Moskës dhe bllokut 30-anëtarësh të NATO-s.
Javën e kaluar me një lidhje direkte video presidenti Vladimir Putin i tha homologut amerikan Joe Biden se vendi i tij është i interesuar të marrë garanci të forta për ndalimin e zgjerimit të NATOs në lindje të Evropës, si dhe ndalimin e dislokimit atje të “sistemeve të armatimeve ofensive.
Inteligjenca e Ukrainës dhe disa liderë perëndimore kanë paralajmëruar javët e fundit se Moksa po tenton të pushtojë fqinjin e saj.
Kremlini ka refuzuar akuzat por ka theksuar shqetësimet për bindjen e ish-republikave sovjetike që të aderojnë në NATO.
Zëdhënësja e ministrisë së jashtme ruse Maria Zakharova ka thënë se zgjerimi i bllokut ushtarak në lindje është një “linjë e kuqe” për Moskën, ashtu siç është i papranueshëm aderimi i Ukrainës në NATO, çka do ta kthente atë në një pikë konfrontimi me Rusinë.
Top Channel
