Trump zhvillon takimin e parë me një lider të huaj që nga fitorja në zgjedhje, përse zgjodhi presidentin e Argjentinës? 16/11 08:15
27 persona kanë humbur jetën mes flakëve që përfshinë një klinikë në periferi të qytetit japonez Osaka.
Policia japoneze është duke i hetuar shkaqet e mundshme të zjarrit, por ka dyshime të forta se ai mund të jetë vendosur qëllimisht.
Një burrë tek të 60-at është parë me një qese të mbushur me një lëng të paidentifikuar, thotë The Guardian, dhe zjarri duket ka nisur shumë shpejt pasi e ka vendosur atë pranë recepsionit të klinikës së ndodhur në një godinë katër katëshe.
Pamje të shumta nga vendi i ngjarjes tregonin shumë tym ndërsa kati i katërt i ndërtesës u përfshi nga flakët.
Ekipet e shpëtimit mbërritën thuajse menjëherë në vendngjarje dhe e shuan zjarrin pas pothuajse 30 minutash.
Ndërtesa zjarri ndodhet në një zonë të ngarkuar tregtare. Në vitin 2019, Japonia u prek nga tragjedia më e madhe që nga Lufta e Dytë Botërore.
Një burrë i vuri flakën një studioje filmike në Kioto e nga incidenti, humbën jetën 36 vetë.
Top Channel
