Princi Harry dhe Meghan Markle kthehen sot në Britani me fëmijët, familja pritet të nisë një jetë të re në Cotswolds 26/08 14:28
Skema e ngjyrave
Madhësia e shkrimit
Pesë fëmijë kanë vdekur dhe tre po luftojnë për jetën pasi kështjella e ajrit ku ata po luanin u ngrit rreth 10 metra lart nga një erë vrasëse pranë shkollës së tyre.
Jane identifikuar disa nga viktimat e tragjedisë se rëndë qe ndodhi sot në shkollën fillore Hillcrest Primary School në ishullin australian të Tasmanisë.
Shkolla ishte duke mbajtur celebrimet e fundit të vitit para pushimeve të Krishtlindjeve.
Fëmijët që humbën jetën tragjikisht ishin dy djem e dy vajza të klasës së gjashtë, 10 deri në 11 vjeç, tha komisioneri i policisë Darren Hine. Nje tjeter femije vdiq ne spital.
Katër fëmijë janë në spital duke përfshirë tre në gjendje të rëndë.
Policia tha se po heton për aksidentin.
Kështjella e llastikut ishte copëtuar e tëra pasi kishte rënë në tokë pranë shkollës.
Policia shihej duke ngushëlluar stafin e shkollës dhe njëri-tjetrin mes skenave te renda, teksa grupet e ndihmës së shpejtë mundoheshin të jepnin ndihmën e parë për viktimat.
Policia tha: “Në një ditë si kjo kur fëmijët duhet të festonin ditën e fundit të shkollës, ne jemi ketu duke mbajtur zi për humbjen e tyre. Zemrat tona janë me ato të familjeve e të dashurve të tyre, me shërbimet e emergjencës që u përpoqën të shpëtonin jetë”.
Një nxënës që pa skenat e tmerrshme para syve, tha se mund të kishte qenë mes tyre edhe ai.
Ai tha për rrjetin The Mercury: “Më pas ishte radha ime. Klasa e pestë dhe e gjashtë duhet të shkonin përpara.”
Kryeministri i Australisë, Scott Morrison, tha se vdekjet e fëmijëve ishin “shkatërrimtare”.
Top Channel
