Donald Trump shpallet fajtor për 34 akuza, presidenti i SHBA-së shmang burgun 10/01 16:37
Vladimir Putin kërkon ta rrahë hekurin sa është i nxehtë. Presidenti rus e bëri të qartë se nevojiten bisedime të menjëhershme me vendet perëndimore për të parandaluar zgjerimin e NATO-s në lindje, dhe nuk ka ndërmend të tërhiqet nga kjo kërkesë.
Në një telefonatë të zhvilluar me kreun e Elizesë, Emmanuel Macron, Putin theksoi rëndësinë e nisjes së menjëhershme të negociatave ndërkombëtare për të zhvilluar garanci të vendosura ligjërisht të cilat të parandalojnë çdo zgjerim të mëtejshëm të aleancës në lindje si dhe vendosjen e armëve në shtetet fqinje, kryesisht në Ukrainë, që kërcënojnë Rusinë.
Shefi i Kremlinit bëri një kërkesë të ngjashme gjatë bisedimeve virtuale me presidentin e SHBA-së Joe Biden javën e kaluar si dhe në një telefonatë me kryeministrin britanik Boris Johnson të hënën.
Më herët gjatë ditës, Putin i tha gjithashtu homologut të tij finlandez Sauli Niinisto të martën se këmbëngul për bisedime “të menjëhershme” me Shtetet e Bashkuara dhe NATO-n mbi garancitë e sigurisë, ndërsa tensionet mbi Ukrainën, rriten.
Ai po kështu e akuzoi gjithashtu udhëheqjen ukrainase se po përdor gjithnjë e më shumë “armatime të rënda e dronë luftarakë” kundër rebelëve pro-rusë në rajonet lindore të vendit.
Komentet e tij vijnë pasi Perëndimi e ka akuzuar për javë të tëra Rusinë se po planifikon pushtimin e fqinjit të saj më të vogël dhe se ka grumbulluar dhjetëra mijëra trupa në kufi.
Top Channel
