Gjykata e Kurbinit dha masën e sigurisë arrest me burg për tre të dyshuarit.
Tre të dyshuarit janë paraqitur në Gjykatën e Kurbinit në orën 10 të paradites nën masa të rrepta sigurie.
E gjithë gjykata ka qenë e rrethuar me forca të shumta policie dhe hyrja e tyre është bërë në pjesën e pasme të gjykatës për arsye sigurie.
Seanca ka qenë me dyer të mbyllura dhe ka zgjatur rreth 2 orë.
Më herët para togave të zeza njëri nga autoret e dyshuar Llej Lika ka pranuar se vrasjen e ka kryer ai pas një sherri që ka pasur me dy nga djemtë e viktimës, duke larguar kështu nga faji si bashkautor babain dhe shokun e tij.
Kujtojmë se Skënder dhe Llej Lika dhe Klajdi Beleshi janë të arrestuar si të dyshuar për vrasjen e biznesmenit Rakip Roli ngjarje e ndodhur disa ditë më parë në Sanxhak të Kurbinit.
Top Channel
