Hezbollahu sulmon Izraelin me 250 raketa dhe predha! 24/11 20:21
Imazhe tronditëse publikoheshin sot nga mediat amerikane të shkatërrimit nga tornadot që përfshinë pesë shtete të SHBA, duke vrarë dhjetra njerëz.
Imazhe satelitore të marra të shtunën nga stuhitë monstruoze tregonin ndërtesat e rrafshuara në qytezën e Mayfield, një qytet me 10,000 banorë në perëndim të Kentucky.
Mbetjet e ndërtesave të shkatërruara dhe pemët e rrëzuara mbushnin tokën, kurse copa metali dhe automjete të dëmtuara shiheshin në rrugë.
Imazhet kapnin rrënojat e fabrikës së qirinjve ku 110 njerëz punonin para goditjes së stuhisë spërdredhëse.
Shefja e policisë rrugore të Kentucky, Sarah Burgess tha se grupet e shpëtimit po përdornin makineri të rënda për zhvendosjen e rrënojave. Mjekë ligjorë janë thirrur në skenë por numri i saktë i viktimave nuk është përcaktuar ende.
Guvernatori i Kentacky, Andy Beshear tha se do të ketë të tjera vdekje të konfirmuara në ditët në vijim.
Që prej mëngjesit të të shtunës asnjë person nuk është gjetur më gjallë por përpjekjet e kërkimit kanë vijuar.
Punonjësit e emergjencave dhe rreth 300 ushtarakë të Gardës Kombëtare po kërkojnë në rrënojat e shkatërrimit për të mbijetuar, si dhe po shpërndajnë ujë e gjeneratorë për rezidentët.
Beshear tha se po përdoren qen nuhates për kërkimet në rrënoja dhe shtoi se “vijojnë të gjenden trupa viktimash në disa vendndodhje.
“Asgjë që qëndronte në linjën e kalimit të tornadove nuk është më në këmbë. Shkatërrimi është diçka që nuk kisha parë kurrë në jetën time” tha guvernatori.
Top Channel
