Sylvinho nuk e grumbulloi as në nëntor, talenti shqiptar i sulmit mund të bëhet “Azzurr”: E prisja një ftesë nga Shqipëria, do e mendoj nëse Italia… 27/11 20:30
David Alabës po i “bëhet ves” të shënojë në ndeshjet vërtet të rëndësishme. Lojtari që u transferua verën e kaluar te Reali i Madridit po bëhet gjithnjë e më vendimtar për Los Blancos.
Pas golit në El Klasikon e La Ligas, kundër Barcelonës, mbrëmjen e së mërkurës erdhi një tjetër finalizim në Champions League. Një goditje dënimi ndaj Sherif Tiraspol që e bën të hyjë në librat e historisë së klubit.
Në fakt, austriaki që një sezon më parë luante për Bajernin e Mynihut është mbrojtësi i parë i Realit që ja del të shënojë me një goditje dënimi. I fundit që ja ka dalë të shënjestrojë në këtë mënyrë portën për madrilenët ka qenë një ikonë e vërtetë e goditjeve të dënimit, Roberto Karlos në vitin e largët 2004.
Alaba po hyn gjithnjë e më në perfeksion në mekanizmat e skuadrës së Ancelottit, duke bërë të mos ndihet mungesa e Sergio Ramos, jo vetëm në fazën mbrojtje, por tanimë edhe për sa i përket realizimit.
Për sa i përket ecurisë në Champions League, ndërkohë Reali i Madridit, siguroi kalimin e parakohshëm në fazën e 1/8, ashtu si dhe Interi që në ndeshjen e fundit mes tyre do të luajnë për vendin e parë në grup.
Top Channel
