Të paktën dy persona kanë humbur jetën në një shpërthim të fuqishëm që ka ndodhur rreth orës 14:00 në fabrikën e armëve në Leshtane të Beogradit.
Si pasojë e shpërthimit janë lënduar edhe 15 tjerë, ndërkaq ekipet e kërkim-shpëtimit janë vënë në kërkim të disa personave që janë shpallur të zhdukur.
Një punonjës mbeti në mes të rrënojave, por ishin ekipet e zjarrfikësve që e nxorën.
Detonacija Bubanj Potok Leštane @N1infoBG @BoraKonj pic.twitter.com/4gQQ8pxo1T
— Petar Misevski (@Petar2705) November 23, 2021
Sipas dëshmitarëve në atë pjesë të Beogradit është ndjerë një shpërthim i fuqishëm.
Madje disa shtëpive u janë thyer xhamat nga forca e shpërthimit që tronditi banorët.
Ogromna eksplozija u Bubanj Potoku, pre par minuta! pic.twitter.com/nNzS6KGrfm
— Dr Rock (@doktorzarock) November 23, 2021
Deri më tani shkaqet janë të panjohura, ndërsa mediat serbe raportojnë se rrjedhja e derivateve shkaktoi zjarrin.
Kujtojmë se vendi ynë u përball me gati të njëjtën ngjarje në mesditën e 18 marsit të vitit 2008, ku 26 persona mbetën të vdekur, mes tyre edhe fëmijë, ndërsa dhjetëra mbetën të plagosur nga shpërthimi i municioneve në një fabrikë demontimi armësh në Gërdec.
Edhe pse kanë kaluar 13 vite, familjarët enden në dyert e gjykatave që fajtori të marrë dënimin e merituar, ndërsa Prokuroria e Posaçme Anti-Korrupsion (SPAK) ankimoi vendimin e GJKKO për pushimin e hetimeve për ish-ministrin e Mbrojtjes Fatmir Mediu në lidhje me shpërthimin e Gërdecit.
Top Channel
