Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Shpyllëzimi në rajonin brazilian të Amazonës është në rritje, me një sipërfaqe prej më shumë se 13. 000 kilometra katrorë të rrafshuar me tokën gjatë harkut kohor të një viti, deklaroi Instituti Kombëtar për Kërkimet Hapësinore (INPE).
Të dhënat satelitore të INPE treguan se 13 235 kilometra katrorë u humbën midis një gushtit 2020 dhe 31 korrikut 2021 duke shënuar zonën më të madhe të shpyllëzuar që nga viti 2008 dhe një rritje prej 22% krahasuar me vitin e kaluar.
Të dhënat e para të përkohshme të INPE kishin treguar tashmë se shpyllëzimi ishte në rritje. Brazili luan një rol kyç në zbutjen e ndryshimeve klimatike. Pjesa më e madhe e vendit ka përjetuar mungesë uji dhe thatësira në muajt e fundit. Presidenti brazilian Jair Bolsonaro e sheh rajonin e Amazonës kryesisht si potencial ekonomik të pashfrytëzuar.
Qeveria braziliane u vu nën presionin ndërkombëtar dhe njoftoi në konferencën e klimës COP26 në Glasgou se do t’i jepte fund shpyllëzimit të paligjshëm të pyjeve tropikale të Amazonës deri në vitin 2028.
Top Channel
