Superkupa e Spanjës shkon në Katalunjë, Barcelona i jep “shuplakë” Realit në Arabi dhe fiton trofeun e parë të sezonit 12/01 22:06
Luhet sot në mbrëmje sfida mes Tiranës dhe Dinamos, e vlefshme për raundin e 1/8 të finaleve të Kupës së Shqipërisë.
Bardheblutë vijnë në këtë ndeshje pas humbjes së pësuar dy javë më parë 2-0 dhe sot do të kërkojnë të përmbysin këtë rezultat për t’iu bashkuar 7 skuadrave të tjera të kualifikuara.
Orges Shehi: Motivimi për të kaluar turin është, por të shohim se çfarë do të prodhojë fusha. Na duhet shumë punë për të përmbysur rezultatin, me këtë impenjim dhe mentalitet, duhet të fitojmë ndeshjen, më pas të mendojmë të përmbysim rezultatin 2-0″.
Bledi Shkëmbi ka të njëjtin objektiv si kolegu dhe ish shoku i tij i skuadrës te Skënderbeu, Orges Shehi; zhvillimin e një ndeshje të mirë dhe kualifikimin për në çerekfinale.
‘Synimi nesër është të bëjmë një ndeshje të mirë dhe të kualifikohemi, e pastaj të mendojmë për kampionatian dhe për t’u afruar me kreun. Pas rezultateve jo të mira nuk është e thjeshtë situata, por kemi në ekip lojtarë me eksperiencë që kanë provuar shumë rezultate gjatë karrierës’.
Sfida mes Tiranës dhe Dinamos do të luhet në orën 19:45 dhe do të transmetohet në platformën Digitalb. Skuadra që do të fitojë këtë sfidë e pret një tjetër ndeshje derbi në Kupën e Shqipërisë, ai me Partizanin.
Top Channel
