Situata e tmerrshme për gratë dhe fëmijët afganë 25/11 08:12
Të vaksinuarit me dy doza të vaksinës së Pfizer në muajt janar dhe shkurt kishin 51% më shumë gjasa të prekeshin në korrik sesa personat e imunizuar në mars ose në prill, sipas një studimi të ri ri izraelit të publikuar në Nature Communications.
Ekipi i studiuesve punoi me mjekë nga KSM Research and Innovation dhe përdori të dhënat e ofruara nga Maccabi Health Services për të kryer një studim te thelluar, i cili krahasonte shkallën e incidencës së infeksioneve të reja dhe shtrimeve në spital të lidhura me COVID-19 mes njerëzve të vaksinuar kur fushata ne shtetin hebre ishte në fillimet e saj dhe atyre që u vaksinuan më vonë.
Studimi përfshiu më shumë se 1.3 milionë dosje. Aty u pa qartë se rreziku i infektimit ishte dukshëm më i lartë teksa individët që ishin imunizuar më herët, e po kështu shtohej dhe tendenca për të përfunduar në spital.
Rezultatet, thanë shkencëtarët, janë në përputhje me studimet e tjera mbi këtë temë që tregojnë një rënie të niveleve të antitrupave pas katër deri në gjashtë muajsh. Mosha e njerëzve nuk ndikon aspak, që do të thotë se efekti i vaksinës me kalimin e kohës, zbehet njësoj si tek më të rinjtë, ashtu dhe tek të moshuarit.
Top Channel
