Vështirësi nga dëbora! Reshje të dendura ka patur gjatë natës në të gjithë Kosovën
11/01 15:26
EXIT POLL-et e prezantuara nga televizionet kanë dhënë rezultate të ndryshme për të njëjtit kandidatë.
Për tri komunat, Prishtinën, Prizrenin dhe Gjilanin, EXIT POLL-et kanë nxjerr fitues të ndryshëm.
Ai i Klan Kosova, në Prishtinë ka nxjerr fitues Përparim Ramën e Lidhjes Demokratike të Kosovës.
Sipas këtij sondazhi ai ka fituar me një përqindje të ngushtë duke marrë 50.95%, derisa kundërkandidati i tij nga Lëvizja Vetëvendosje, Arben Vitia ka marrë 49.05%.
Kurse EXIT POLL-i i prezantuar nga RTV Dukagjini ka nxjerr fitues Arben Vitinë me 50.9% të votave, ndërsa Përparim Ramën me 49.1% të votave.
Në komunën e Gjilanit, EXIT POLL-i i realizuar nga Tomor Qela e i prezantuar nga Klan Kosova e nxjerr Lutfi Hazirin e LDK-së fitues.
Ai ka fituar me një diferencë shumë të ngushtë duke marrë 50.87 % të votave, derisa kundërkandidati i tij Alban Hyseni nga Lëvizja Vetëvendosje ka marrë 49.13 % të votave.
Lutfi Haziri (LDK): 50.87 %
Alban Hyseni (VV): 49.13 %
Ndërsa sipas EXIT POLL-it të realizuar nga kompania UBO-Consulting për RTV Dukagjinin në Komunën e Gjilanit fitues është kandidati i LVV Alban Hyseni.
Alban Hyseni: 52.1%
Lutfi Haziri: 47.9%
Më tej, sipas këtij EXIT POLL-i te Klan Kosovës, garën në Prizren e ka fituar Shaqir Totaj i Partisë Demokratike të Kosovës me një rezultat të ngushtë përballë Mytaher Haskukës së Vetëvendosjes.
Shaqir Totaj (PDK): 50.6%
Mytaher Haskuka (VV): 49.4%
Kurse sipas EXIT POLL-it të realizuar nga RTV Dukagjini del që Komunën e Prizrenit do ta qeveris sërish Mytaher Haskuka nga LVV.
Sipas rezultateve të EXIT POLL-it, Haskuka ka marrë 50.2% kurse Shaqir Totaj i PDK-së ka marrë 49.8%.
Top Channel
