Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Kryeministri i Kosovës, Albin Kurti të enjten është shprehur se nuk ndihet i rrezikuar, por sipas tij, janë organet e sigurisë ato që i vlerësojnë kërcënimet dhe i ndërmarrin veprimet në përputhje me rrethanat e caktuara.
“Së pari unë nuk ndjehem i rrezikuar, por janë organet e sigurisë ato që i vlerësojnë kërcënimet dhe i ndërmarrin veprimet në përputhje me rrethanat e caktuara”, tha Kurti.
Ai tregoi se as dje dhe as nuk e ka ndryshuar agjendën, duke shtuar se organet e sigurisë janë mekanizma të shtetit i që i bëjnë vlerësimet kur ngjajnë kërcënime nëpër rrjete sociale.
“Unë këto kërcënime nuk kam mundësi t’i ndjek. Fizikisht për mua është e pamundur të merrem me kërcënime ndaj fizikut tim”, tha Kurti.
Zëdhënësi i qeverisë së Kosovës, Përparim Kryeziu është shprehur për mediat se kryeministri i Kosovës, Albin Kurti është kërcënuar, por nuk ka dhënë shumë detaje.
Ai tregoi se si masë e kujdesit ndaj tij është shtuar dhe rritur niveli i sigurisë. Mediat lokale në Kosovë kanë raportuar dje në mbrëmje se afër shtëpisë së Kurtit në Prishtinë është vërejtur prani më e shtuar e Policisë së Kosovës.
Zëdhënësi i Policisë së Kosovës, Daut Hoxha, ka thënë se nuk ka mundësi të ofrojë informacione për këtë rast.
Top Channel
